WEBSITE NOBO (www.deporteawe.com)

Deprote Awe! a muda,bo por bishista e site nobo dor di klik aki!

E site aki lo sigi aktivo i lo kana paralelo ku e site nobo! Kiermen den futuro bo por bishita Deporte Awe! riba e site aki of riba esun nobo www.deporteawe.com!

 

Churandy Martina i Brian Mariano den Mundial di Atletismo 2011

Awe e direktor tékniko di Union Atlétiko Hulandes, Peter Verlooy a duna di konosé kua ta e atleta nan ku lo representá Hulanda na e kampionato mundial di atletismo na Daegu, Sur Korea. E selekshon Hulandes ku ta wòrdu yama “Dutch Athletics Team” lo representá Hulanda for di dia 27 di ougùstùs te ku 4 di sèptèmber 2011 na Daegu. Manera ta konosí e federashon internashonal di atletismo (IAAF) no ta rekonosé Kòrsou i konsekuentemente nos atleta nan no por partisipá den kompetensia nan di IAAF  bou di bandera di Kòrsou. Esaki a trese ku ne ku nos atleta nan tòp manera Churandy Martina i Brian Mariano a opta e ora ei pa kore pa Hulanda. Hulanda ta bai Daegu ku 11 atleta maskulino i 9 atleta femenino, di kua 2 di e atleta nan maskulino ta e yu nan di Kòrsou Churandy Martina i Brian Mariano. Churandy Martina lo representá Hulanda den 100, 200 i 4×100 meter estafèt. Brian Mariano lo kompaña Churandy den 4×100 meter estafèt.

Sigiuentemente bo por haña un tabla ku e fecha i orario di e diferente evento nan ku Churandy Martina i Brian Mariano ta partisipá den dje (orario di Kòrsou).

Atleta	Fecha	Orario	Evento
Churandy Martina	27-08-2011	8:45 am	100m 1e Ròndu
Churandy Martina*	28-08-2011	5:30 am	100m Semifinal
Churandy Martina*	28-08-2011	7:45 am	100m Final
Churandy Martina	01-09-2011	10:10 pm	200m 1e Ròndu
Churandy Martina *	02-09-2011	6:55 am	200m Semifinal
Churandy Martina*	02-09-2011	7:55 am	200m Final
Churandy Martina i Brian Mariano	04-09-2011	6:00 am	4x100m 1e Rondu
Churandy Martina i Brian Mariano*	04-09-2011	8:00 am	4x100m Final

*Dependiendo klasifikashon.

Korsou rumbo pa Mundial 2014

Dia 30 di yüli 2011 na Rio de Janeiro a tuma lugá e loteria pa asina repartí e diferente selekshon nan nashonal ku ta miembro di FIFA i asina kuminsá e kaminda pa mundial di futbòl Brazil 2014. Despues ku ya sinku miembro ku ta forma parti di CONCACAF a kai afó, Kòrsou porfin sa kontra ken e ta bai kuminsá su trayektoria pa Brazil 2014. Kòrsou a kai den Grupo F huntu ku Haiti, Antigua i Barbuda i US Virgin Islands.

E promé wega di e selekshon di Kòrsou lo ta dos di sèptèmber kontra di e selekshon di Antigua i Barbuda. Ainda no ta konosí si e partido aki lo tuma lugá na Kòrsou òf na Antigua I Barbuda. E di dos partido ku Kòrsou lo hunga lo ta dia seis di sèptèmber kontra Haiti. Pa despues dia shete di òktober Kòrsou hunga un biaha mas kontra Antigua i Barbuda. Un dia despues di selebrá un aña di pais Kòrsou, dia 11 di òktober Kòrsou lo hunga su di dos partido kontra Haiti. Nèt un luna despues, dia 11 di novèmber Kòrsou lo hunga su promé partido kontra US Virgin Islands. Dia 15 di novèmber Kòrsou lo hunga su di dos partido kontra US Virgin Islands i asina konkluí e fase aki di klasifikatorio pa Mundial 2014.

GRUPO F
FECHA	PARTIDO
2-9-2011	Antigua i Barbuda – Kòrsou
6-9-2011	Kòrsou – Haiti
7-10-2011	Kòrsou – Antigua i Barbuda
11-10-2011	Haiti – Kòrsou
11-11-2011	US Virgin Islands – Kòrsou
15-11-2011	Kòrsou – US Virgin Islands

Solamente e ganadó di e grupo ta pasa pa e siguiente buèlta. Den pasado ainda komo Antia Hulandes, Kòrsou a hunga shete biaha konta Antigua i Barbuda i a sali viktorioso na tres okashon i a empatá na dos okashon. Di e shete okashon nan ku Kòrsou a hunga kontra Antigua i Barbuda, na seis okashon tabata den e klasifikatorio pa Mundial i un biaha tabata den un partido amistoso. E último biaha ku Kòrsou a hunga kontra Antigua i Barbuda tabata na 2004 den e klasifikatorio pa Mundial Alemania 2006. Esaki tabata un partido dramátiko kaminda Kòrsou a kai vensí dos pa nada na Antigua i a bin bek i gana e partido na Kòrsou tres pa nada i asina pasa pa e siguiente buèlta.

Kontra Haiti, Kòrsou tin un historia bastante largu. Loke ta remarkabel ta ku no ta promé biaha ku Kòrsou ta hunga kontra Haiti bou di bandera di Kòrsou. Na aña 1950 i na aña 1957 Kòrsou a hunga dos partido amistoso kontra Haiti bou di bandera di Kòrsou. Na tur e dos okashon nan aki Kòrsou a kai vensí. Na tur  Kòrsou a hunga un kantidat di 13 partido kontra Haiti, di kual shete biaha tabata den klasifikatorio pa Mundial. Di e 13 biaha ku Kòrsou a hunga kontra Haiti, Kòrsou a kai vensí na nuebe okashon, empatá na tres okashon i a gana na un okashon. E último biaha ku Kòrsou a hunga kontra Haiti tabata den e klasifikatorio pa Mundial Sur Afrika 2010. Den e enkuentro nan aki Kòrsou a empatá na sero den e promé partido na Haiti pa despues kai vensí ku skor mínimo na Kòrsou.

Kòrsou no a yega di hunga ningun partido kontra US Virgin Islands, dia 11 di novèmber lo bira e promé biaha ku e dos ekipo nan aki ta topa otro. Loke ta interesante di US Virgin Islands ta ku na mart nan tabata di renk number 33 den CONCACAF i Kòrsou number 21. Den un periodo di kuater luna US Virgin Islands a logra baha di number 33 i yega puesto 23. Den e mesun periodo di tempu Kòrsou a bai di puesto 21 pa puesto 25. Haiti tambe a bai atras kaminda nan a move di puesto 12 i bai puesto 15. Di mesun manera Antigua i Barbuda a kita di puesto 13 i bai puesto 11.

Skedjel di postemporada ta konosí

Ta falta ainda algu ménos ku dos luna pa e temporada regular di beisbòl liga grandi terminá. Den sierto divishon nan ya bo tin un bista di kua ta e posibel ekipo nan ku lo pasa pa playoff. Di otro banda ainda tin diferente ekipo ku ta luchando pa sigurá un lugá den postemporada. Loke si ta sigur ta e diferente fecha nan ku e partido nan ta tuma lugá. Awe MLB a anunsiá e skedjel di postemporada 2011.

Postemporada lo kuminsá djabièrnè 30 di sèptèmber, ku e apertura di ámbos seri di divishon amerikano. E aña aki lo ta e promé biaha despues di e Seri Mundial na aña 1915 ku postemporada lo kuminsá riba un djabièrnè. E Seri di Divishon Nashonal ta kuminsá djasabra dia promé di òktober ademas di e dos partido nan aki tambe lo to tin e di dos wega di ámbos Seri di Divishon Amerikano.

E Kampionato di Liga Amerikano ta kuminsá djasabra ocho di òktober i si ta nesesario e di shete partido ta di skedjel pa djadumingu 16 di òktober. Liga Nashonal ta kuminsá hunga nan kampionato dia nuebe di òktober i si ta nesesario lo tin un wega shete di skedjel pa djaluna 17 di òktober.

Ku esaki den mente nos ta yega na djarason di 19 òktober, riba e dia aki lo hunga e promé partido di Seri Mundial. Djabièrnè 21 di òktober i djamars 25 di òktober ta di skedjel komo dia liber. Si tin un wega shete, esaki lo tuma lugá riba djaweps 27 di òktober.

E skedjel kompletu ta lo siguiente:

DIA	FECHA	SERI	KANAL
Djabièrnè	Sèptèmber 30	ALDS A, Wega 1	TBS
Djabièrnè	Sèptèmber 30	ALDS B, Wega 1	TBS
Djasabra	Òktober 1	ALDS A, Wega 2	TBS
Djasabra	Òktober 1	ALDS B, Wega 2	TBS
Djasabra	Òktober 1	NLDS A, Wega 1	TBS
Djasabra	Òktober 1	NLDS B, Wega 1	TBS
Djadumingu	Òktober 2	NLDS A, Wega 2	TBS
Djadumingu	Òktober 2	NLDS B, Wega 2	TBS
Djaluna	Òktober 3	ALDS A, Wega 3	TBS
Djaluna	Òktober 3	ALDS B, Wega 3	TBS
Djamars	Òktober 4	ALDS A, Wega 4	TBS
Djamars	Òktober 4	ALDS B, Wega 4	TBS
Djamars	Òktober 4	NLDS A, Wega 3	TBS
Djamars	Òktober 4	NLDS B, Wega 3	TBS
Djarason	Òktober 5	NLDS A, Wega 4	TBS
Djarason	Òktober 5	NLDS B, Wega 4	TBS
Djaweps	Òktober 6	ALDS A, Wega 5	TBS
Djaweps	Òktober 6	ALDS B, Wega 5	TBS
Djabièrnè	Òktober 7	NLDS A, Wega 5	TBS
Djabièrnè	Òktober 7	NLDS B, Wega 5	TBS

DIA	FECHA	SERI	KANAL
Djasabra	Òktober 8	ALCS Wega 1	FOX
Djadumingu	Òktober 9	NLCS Wega 1	TBS
Djadumingu	Òktober 9	ALCS Wega 2	FOX
Djaluna	Òktober 10	NLCS Wega 2	TBS
Djamars	Òktober 11	ALCS Wega 3	FOX
Djarason	Òktober 12	ALCS Wega 4	FOX
Djarason	Òktober 12	NLCS Wega 3	TBS
Djaweps	Òktober 13	ALCS Wega 5	FOX
Djaweps	Òktober 13	NLCS Wega 4	TBS
Djabièrnè	Òktober 14	NLCS Wega 5	TBS
Djasabra	Òktober 15	ALCS Wega 6	FOX
Djadumingu	Òktober 16	NLCS Wega 6	TBS
Djadumingu	Òktober 16	ALCS Wega 7	FOX
Djaluna	Òktober 17	NLCS Wega 7	TBS

DIA	FECHA	SERI	KANAL	SITIO
Djarason	Òktober 19	Di 107 Seri Mundial, Wega 1	FOX	N.L.
Djaweps	Òktober 20	Di 107 Seri Mundial, Wega 2	FOX	N.L.
Djabièrnè	Òktober 21	DIA LIBER
Djasabra	Òktober 22	Di 107 Seri Mundial, Wega 3	FOX	A.L.
Djadumingu	Òktober 23	Di 107 Seri Mundial, Wega 4	FOX	A.L.
Djaluna	Òktober 24	Di 107 Seri Mundial, Wega 5	FOX	A.L.
Djamars	Òktober 25	DIA LIBER
Djarason	Òktober 26	Di 107 Seri Mundial, Wega 6	FOX	N.L.
Djaweps	Òktober 27	Di 107 Seri Mundial, Wega 7	FOX	N.L.

Kòrsou por yega mundial 2014?

Dia 30 di yüli 2011 na Rio de Janeiro a tuma lugá e loteria pa asina repartí e diferente selekshon nan nashonal ku ta miembro di FIFA i asina kuminsá e kaminda pa mundial di futbòl Brazil 201kuater. Despues ku ya sinku miembro ku ta forma parti di CONCACAF a kai afó, Kòrsou porfin sa kontra ken e ta bai kuminsá su trayektoria pa Brazil 201kuater. Huntu ku esaki ta bin e pregunta: Kòrsou por yega Brazil 2014?

Tur kos ta posibel semper, pero si e ta probabel ta algu diferente. Kòrsou su problema pa yega Brazil 2014 no ta pa falta di hungadó i/òf talento, tampoko pa falta di Direktor Tékniko i tampoko no ta pa falta di Federashon Futbòl Kòrsou (FFK). E problema ku Kòrsou tin i mayoria pais den CONCACAF ta a manera ku FIFA ta organisá e kompetensia klasifikatorio pa mundial den CONCACAF.

CONCACAF tin 35 federashon ku ta forma parti di dje i ku ta den kontienda pa bai mundial Brazil 2014. Promé ku e loteria a tuma lugá dia 30 yüli 2011, e 10 ekipo nan ku ta di renk mas malu den CONCACAF a hunga kontra otro. E sinku ganadó nan di e partido nan aki a pasa pa forma parti di e loteria huntu ku e otro 19 ekipo nan ku ta di renk mas malu i ku no ta forma parti di e 10 nan ku a hunga kaba.

Kiko FIFA ta hasi e ora ey? E sinku ganadó nan di e partido nan ku a tuma lugá promé ku e loteria ta bai den un pochi huntu ku e ekipo ku ta di renk mas malu di e 19 ekipo nan restante. E seis ekipo nan aki ta e promé nan ku ta wòrdu di lòt i nan ta number kuater den kada grupo. Den e pochi dos bo ta haña e seis ekipo nan ku ta di renk mas malu di e 18 ekipo nan restante. E seis ekipo nan aki ta wòrdu di lòt number dos i nan ta number tres den kada grupo. Den pochi tres bo ta haña e seis ekipo nan ku ta di renk mas malu di e 12 ekipo nan restante. E ekipo nan aki ta wòrdu di lòt number tres i nan ta number dos den kada grupo. Por último a keda seis ekipo ku ta wòrdu di lòt último i nan ta number 1 den kada grupo. Den otro palabra e sistema ta diseñá pa e ekipo nan mas malu hunga kontra e ekipo nan mas mihó.

Grupo F	FIFA CONCACAF Renk	Orden di Lot
Haiti	12	4
Antigua i Barbuda	13	3
Kòrsou	21	2
US Virgin Islands	33	1

E ganadó di kada grupo ta pasa pa e siguiente buèlta. Kiko FIFA ta hasi den e buèlta aki? Den e buèlta aki FIFA ta dividí e ekipo nan den tres grupo di kuater ekipo kada un. Pa hasi e repartishon aki atrobe FIFA ta parti e ekipo nan den pochi. Den pochi unu bo ta haña e tres ekipo nan mihó di renk pa FIFA den CONCACAF kual ta Merka, Mexico i Hondúras, nan ta wòrdu di lòt último i ta bin na kabes di kada grupo. Den pochi dos  bo ta haña e di kuater, di sinku i di seis ekipo nan mihó di renk den CONCACAF, kual ta Jamaica, Costa Rica i Cuba. E ekipo nan den pochi dos ta wòrdu di lòt number dos i konsekuentemente ta number dos den kada grupo. Por último den pochi tres bo ta haña e seis ganadó nan di e buèlta anterior, ku en realidat ta e seis ekipo ku ta di renk mas malu ku e keda den e kompetensia. Nan ta wòrdu di lòt promé i ta number tres i kuater den kada grupo. Un biaha mas bo ta haña un sistema diseñá pa e ekipo nan mas malu hunga kontra e ekipo nan mas mihó.

Tantu e ganadó komo e promé finalista di kada grupo ta pasa pa e siguiente buèlta. Den e buèlta aki ta bai tin un grupo di seis ekipo. E tres ekipo nan ku puntuashon mas haltu ta pasa pa Brazil 2014, miéntras ku e di kuater ekipo ku puntuashon mas haltu mester hunga den e playoff inter-kontinental.

Kòrsou por yega mundial 2014? Tur kos ta posibel pero e no ta mustra masha probabel. Prinsipalmente teniendo na kuenta ku FIFA konsientemente ta protehé e mihó e ekipo nan den CONCACAF. Konsientemente FIFA ta laga e ekipo nan mas malu enfrentá gigante nan den futbòl ku e konsekuensia ku kasi semper pa no bisa semper e ekipo nan aki ta kai chikí. Mester bin un kambio den e manera ku e klasifikatorio pa mundial ta tuma lugá, prinsipalmente den CONCACAF anto e ora ey kisas Kòrsou tin un chèns mas realístiko pa yega mundial.

FIFA/COCA-COLA WORLD RANKING

Proyekshon Jair Jurrjens #5

Despues di 18 partido ku Jair a habri, e tin 3 wega di kual e no tabata e picher di rekòrt. Pa di 2 partido konsekutivo Jair no ta logra di ta e picher di rekòrt. Esaki no ta algu deskonosí pa Jair teniendo na kuenta ku na 2009 Jair tabata tin no mas ku 10 partido kaminda ku e no a figura komo picher di rekòrt.

Tur moneda tin 2 banda, pues tur kos tin su bentaha i su desbentaha. Si konvertí 3 weganan kaminda Jair no a figura komo e picher di rekòrt den wega gana, na e momentu nan aki Jair lo tabata tin 15 wega gana. Pero pa mesun preis e weganan aki por tabata wega pèrdí tambe ku lo a kambia Jair su rekòrt i hib’é na 9 wega gana en bes di 12.

Un kos ta sigur ku e wega nan sin desishon aki lo bai pisa na final di temporada i por ta e diferensia entre un Jair ku ta gana 20 òf mas wega òf un Jair ku ta keda banda di 15 wega gana. E echo aki no ta falta eksklusivamente di Jair, teniendo na kuenta ku e gran mayoria di biaha ku Jair no tabata e picher di rekòrt tabata pa falta di ofensivo di su ekipo Atlanta Braves.

Ku esaki den mente un biaha mas nos ta kompará e proyekshon di Jair ku esun di Roy Halladay di aña pasa ku e la gana e premio Cy Young.

Roy Halladay tabata tin e siguiente rekòrt na 2010:

W	L	ERA	GS	SHO	IP	H	R	ER	HR	BB	SO
21	10	2.44	33	4	250 2/3	231	74	68	24	30	219

Proyekshon #5, despues di figura den 18 partido.

W	L	ERA	GS	SHO	IP	H	R	ER	HR	BB	SO
17	7	2.88	30	2	198	177	68	62	14	58	134

Proyekshon #4, despues di figura den 17 partido.

W	L	ERA	GS	SHO	IP	H	R	ER	HR	BB	SO
17	7	2.78	30	2	199	179	66	60	11	57	130

Proyekshon #3, despues di figura den 16 partido.

W	L	ERA	GS	SHO	IP	H	R	ER	HR	BB	SO
18	7	2.56	30	2	201	178	62	56	12	56	128

Proyekshon #2, despues di figura den 11 partido.

W	L	ERA	GS	SHO	IP	H	R	ER	HR	BB	SO
17	7	2.56	30	0	208	186	65	57	13	48	132

Proyekshon #1, despues di figura den 10 partido.

W	L	ERA	GS	SHO	IP	H	R	ER	HR	BB	SO
17	7	2.53	30	0	212	190	66	57	12	51	138

Bòkseo Despues di Wega

Despues ku e partido di semifinal entre Paraguay i Venezuela a kaba pa via di pinalti, ta parse ku ainda e hungadó nan tabata tin energia. Pa e motibu aki nan a disidí di tira algu moketa despues di e partido aki, kaminda Paraguay a sali viktorioso for di pinalti ku un skor di 5-3.

Proyekshon Jair Jurrjens #4

Jair tin su di 17 wega di temporada tras di lomba. Pero manera Jair mes a bisa, esaki tabata un wega straño. Tabata e promé biaha e temporada aki ku Jair no a logra yega di 6 inning. Tambe tabata e promé biaha e temporada aki ku Jair a permití 6 kareda den un wega. Apesar di esaki e ekipo di Atlanta Braves a para tras di Jair i a sòru ku e la kaba e wega ku un “No-Decision”.

A base di e resultado ku Jair a optené den e último partido aki Deporte Awe!  ta hasi su proyekshon #4 di Jair. Un biaha mas nos ta kompará e proyekshon di Jair ku esun di Roy Halladay di aña pasa ku e la gana e premio Cy Young.

Roy Halladay tabata tin e siguiente rekòrt na 2010:

W	L	ERA	GS	SHO	IP	H	R	ER	HR	BB	SO
21	10	2.44	33	4	250 2/3	231	74	68	24	30	219

Proyekshon #4, despues di figura den 17 partido.

W	L	ERA	GS	SHO	IP	H	R	ER	HR	BB	SO
17	7	2.78	30	2	199	179	66	60	11	57	130

Proyekshon #3, despues di figura den 16 partido.

W	L	ERA	GS	SHO	IP	H	R	ER	HR	BB	SO
18	7	2.56	30	2	201	178	62	56	12	56	128

Proyekshon #2, despues di figura den 11 partido.

W	L	ERA	GS	SHO	IP	H	R	ER	HR	BB	SO
17	7	2.56	30	0	208	186	65	57	13	48	132

Proyekshon #1, despues di figura den 10 partido.

W	L	ERA	GS	SHO	IP	H	R	ER	HR	BB	SO
17	7	2.53	30	0	212	190	66	57	12	51	138

Aruba ku Bista Riba Rusia 2018

E kaminda pa mundial di futbòl Brazil 2014 ta bai kuminsá. Concacaf kual ta e konfederashon den kua Kòrsou tambe ta forma parti tin e primisia pa kuminsá e kaminda pa Brazil 2014. Den e promé parti di e kompetensia di Concacaf e 10 ekipo nan di Concacaf ku puntuashon mas abou den e “ranking” di FIFA lo hunga kontra otro.

Pa e motibu aki Aruba ta kuminsá hunga dia ocho di yüli kontra St. Lucia i dia 12 di yüli Aruba lo hunga e partido di regreso kontra St.Lucia. E sinku ganadó nan den e buèlta aki lo topa e otro 19 (inkluyendo Kòrsou) ekiponan di Concacaf den e siguiente etapa di e kompetensia klasifikatorio pa mundial 2014.

Den e promé partido di dia ocho di yuli na Kompleho Deportivo Guillermo Prospero Trinidad na Aruba, Aruba a logra gana di St. Lucia ku skor di 4 pa 2. Pa Aruba e gol nan a wòrdu anotá pa Erik SANTOS DE GOUVEIA (13′), Maurice ESCALONA (46′), Frederick GOMEZ (74′) i David ABDUL (84′). Pa St. Lucia tabata Kevin EDWARD (19′) i Kurt FREDERICK (46′).

Den e di dos partido dia 12 di yüli na Castries Mindoo Philips Park na St. Lucia, Aruba ta kai vensí den pinalti despues di pèrdè e partido 4 pa 2. Pa St. Lucia e gol nan a wòrdu anotá pa Jamal JOSEPH (14′ 29′ 71′) i Kurt FREDERICK (74′). Pa Aruba tabata Frederick GOMEZ (37′ 76′).

Ku e resultado aki Aruba su kaminda pa mundial di Futbòl Brazil 2014 a yega na su fin I nan tin ku kuminsá prepará pa mundial di Futbòl Rusia 2018. Kòrsou tin ku warda te 30 di yüli 2011 pa por sa kontra ken e ta bai kuminsá su trayektoria históriko, rumbo pa Brazil 2014. Dia 30 yüli 2011 na Rio de Janeiro, Brazil, FIFA lo saka e grupo den kua kada un di e 24 ekipo nan di Concacaf lo forma parti dje.